To nyopprykkede lag klare for kamp

Med seks kampar på rad utan tap, får Bryne eit nytt lag frå Austlandet på besøk. Vålerenga ligg på 10.plass på tabellen med like mange poeng som Bryne, men med ein kamp meir spelt. Bryne har sanka flest poeng på sin heimebane, medan Vålerenga har plukka flest borte, så det tyder på ein jevn kamp på Stadion søndag ettermiddag. Sjølv om det er midt i ferien kan vi håpe på eit like stort publikum som det kom på toppkampen mellom laga i OBOS-ligaen i fjor (3043), som enda 1-1. Dei siste meldingane frå Oslo tyder iallefall på over 300 bortesupportarar.

Vålerenga

Vålerenga er eit sterkt namn i norsk fotball. Med fem seriemesterskap, det siste i 2005 og fire cupgull, det siste i 2008, er det eit lag med stolte tradisjonar. Før nedrykket til OBOS-ligaen i 2023 var laget 22 år på rad på øvste nivå i norsk fotball, den lengste perioden i klubbens historie. Men klubben har og hatt sine tunge periodar, med konkurs, nedrykk til nivå tre, og manglande publikumsoppslutning som ein del av historia. Supporterklubben Klanen, var ein av dei første i landet, saman med B-gjengen, tidlig på 90-talet, og har vore ei sterk kraft i klubben sidan då.

Laget

Årets lag er ei god blanding av rutine og relativt nye og unge spelarar. Laget har to gode keepere, Magnus Sjøeng, som har gått gradene i klubben, og Jakob Storevik som har spela for Florø, Levanger og Sandefjord, og seinast var på utlån til Viking i 2024. Forsvarsrekka har fleire nye sidan møtet med Bryne i fjor haust. Både høgreback Håkon Sjåtil som er oppvaksen i Lyn, og har spela for Åsane og KBK og midtstoppar Kevin Tshiembe som er dansk og har spela for Lyngby og Brøndby, kom til VIF i år. Aaron Kiil Olsen som har erfaring frå Bærum og KFUM, og Sebastian Jarl som har spela i Sarpsborg 08, KFUM og Kristiansund kjempar om ein midtstopparplass og var med på opprykket i fjor haust. Vinicyus Nogueira er brasilianar og er ein rask venstreback på lån frå svenske Halmstad. Vegar Eggen Hedenstad som nå er 34 år, har 51 U-landskampar og 4 A-landskampar for Norge har og spela denne sesongen, og finske Noah Pallas som kom frå HJK Helsinki har og vore på banen i forsvarsrekka.

På midtbanen har bergensaren Petter Strand (30) mykje rutine, med spel for Sogndal, Molde og Brann før han kom til klubben i 2022. To andre, danske Carl Lange og Fidel Ambina frå Kamerun med spel for Cape Town i SørAfrika var og med på opprykket i fjor. Elias Hagen med fortid i Grorud og Bodø/Glimt har etablert seg sentralt på midtbanen, medan sunnmøringen Henrik Bjørdal med utanlandsopphald i IFK Gøteborg og Waregem også er aktuell for ein plass på midtbanen. På topp held unge Filip Thorvaldsen frå klubbens eigne rekker dansken Muamar Brajanec ute av laget. Magnus Riisnæs (20), son til velkjente Dag Riisnæs og hollenderen Mees Riks er aktuelle på kant.

Lagets trenar, Geir Bakke (54) debuterte som trenar i Skjetten i 1998, og har vore innom eit «lass» av norske toppklubbar før han på kontroversielt vis gjekk frå Lillestrøm til Vålerenga i 2023. Assistent Petter Myhre er og eit velkjent navn i norsk toppfotball.

Historikk

Laga møttes som nevnt på Bryne i OBOS-ligaen i fjor haust. Elles må vi heilt tilbake til 2003 sist laga møttes på Bryne Stadion. Vålerenga vann 4-3 etter at Bryne leia 3-1 med 25 minutt igjen av kampen. Morten Berre scora seiersmålet på overtid. På kampen var det 3235 på tribunane. Eit anna oppgjer på Bryne som ennå sit i minnet for dei som var tilstades, er kvalik-kampen i 1973, med snø på banen, der Yngve Andersen scora det einaste målet, og førte Vålerenga til eliteserien.

Det er få spelarar som har klubberfaring frå begga klubbane. To av dei var på lån frå Vålerenga til Bryne, begge sørlendingar: Knut Henry Haraldsen som spela heile sesongen 2001, og Stefan Strandberg, seinare landslagskaptein, som var på eit kort opphald hausten 2009. Den mest kjente er kanskje likevel landslagskeeperlegenda Tom R. Jakobsen som spela to sesongar i Bryne på slutten av 70-talet og gjekk til Vålerenga for rekordsummen 100.000 kr før 1980-sesongen.

innlegg skrevet av Geir Magnus Sandve